គ្រោងឆ្អឹងដាយណូស័រថ្មីត្រូវរកឃើញ ដែលមានអាយុកាល ៦៦លានឆ្នាំ ស្ថិតនៅភាគកណ្តាលអាមេរិក!
(អាមេរិក)៖ នាពេលថ្មីៗនេះ គ្រោះឆ្អឹងរបស់ដ៏កម្ររបស់ អម្បូរសត្វដាយណូស័រម៉្យាង ដែលស៊ីរុក្ខជាតិជាអាហារ មានឈ្មោះថា «ទ្រីសេរ៉ាថប់ (Triceratop)» ត្រូវបានគេប្រទះឃើញដោយចៃដន្យ នៅក្នុងទីក្រុង Thornton នៃរដ្ឋ Colorado ភាគកណ្តាលសហរដ្ឋអាមេរិក។ នេះបើតាមការចេញផ្សាយដោយសារព័ត៌មានរុស្ស៊ី Sputnik នៅថ្ងៃទី០៥ ខែកញ្ញា ឆ្នាំ២០១៧។
ហ្វូស៊ីល (Fossil) ដាយណូស័រខាងលើ ត្រូវបានប្រទះឃើញដោយបុគ្គលិកការដ្ឋាន នៅក្នុងក្រុង Thornton កាលពីថ្ងៃសុក្រសប្តាហ៍មុន បន្ទាប់ពីពួកគេបានធ្វើការខួងដីជ្រៅជាងសព្វដង។ ដោយភ្ញាក់ផ្អើលពីព្រោះតែរបកគំហើញរបស់ពួកគេ ក្រុមការងារការដ្ឋានទាំងនោះ ក៏បានទាក់ទងក៏ដូចជាជូនដំណឹង ទៅកាន់ក្រុមអ្នកជំនាញខាងផ្នែកហ្វូស៊ីល នៃសារមន្ទីរធម្មជាតិ និងវិទ្យាសាស្រ្តទីក្រុង Denver ដែលបានទៅដល់កន្លែងរកឃើញគ្រោងឆ្អឹងរបស់សត្វដាយណូស័រ កាលពីថ្ងៃចន្ទសប្តាហ៍នេះ ដើម្បីបញ្ជាក់ពីរបកគំហើញនោះ។
គួរបញ្ជាក់ថា ក្រោយពីបានឆ្លងកាត់ការពិនិត្យយ៉ាងដិតដល់ ក្រុមអ្នកជំនាញ បានឲ្យដឹងថា សត្វដាយ Triceratop នេះទំនងជាមានអាយុយ៉ាងតិច ៦៦លានឆ្នាំ៕
