បទ «Earth Song» របស់ស្តេចចម្រៀងប៉ុប ម៉ៃខឺល ចេគសុន បានទស្សនាហើយ ចង់ឲ្យវាក្លាយជាការពិត! (Video inside)
(បរទេស)៖ ចាំបានទេបទចម្រៀង Earth Song ឬ ចម្រៀងភពផែនដី ដែលជាស្នាដៃបន្សល់ទុកដ៏មានតម្លៃបំផុតមួយ របស់អតីតស្តេចចម្រៀងប៉ុប លោក ម៉ៃខឺល ចេគសុន កាលពីឆ្នាំ១៩៩៥ ដែលវាបានធ្វើឲ្យមនុស្សម្នាច្រើនណាស់ស្រក់ទឹកភ្នែក និងខ្លះទៀត ចង់ឲ្យបាតុភូតនៃអំណាចធម្មជាតិនៅក្នុងខ្សែវីដេអូចម្រៀងនេះ កើតឡើងពិតៗនោះ?
សង្គ្រាម ការកាប់បំផ្លាញព្រៃឈើ ការបំផ្លាញធនធានធម្មជាតិ និងអំពើបង្កវិនាសកម្មជាច្រើនទៀតរបស់មនុស្ស បាន និងកំពុងបង្កឡើងនូវក្តីវិនាសខ្លោចផ្សា មិនអាចកាត់ថ្លៃបានឡើយ ហើយអ្នកដែលរងគ្រោះខ្លាំងបំផុតនោះ គឺមនុស្ស សត្វ និងធម្មជាតិ ដែលគ្មានសមត្ថភាពទប់ទល់នឹងការគំរាមកំហែងទាំងនោះបាន។ ទោះបីជាវីដេអូចម្រៀងនេះ បានកន្លងផុតទៅរយៈពេលជិត ៣០ឆ្នាំទៅហើយក្តី ប៉ុន្តែអត្ថន័យ និងសកម្មភាពទាំងនោះ នៅតែបន្តសច្ចភាពមកទល់នឹងបច្ចុប្បន្ន ដោយសារតែស្ថានការណ៍អាក្រក់របស់ពិភពលោក មិនដែលថមថយឥទ្ធិពលនោះឡើយ។
ដូច្នេះសម្រាប់បងប្អូន ជាពិសេសប្អូនៗក្មេង ដែលមិនធ្លាប់ដែលបានទស្សនា សូមធ្វើការទស្សនាតាមរយៈលីងខាងក្រោមនេះ ឬក៏អាចចូលទៅក្នុងបណ្តាញសង្គម YouTube ដោយផ្ទាល់ក៏បាន ដោយគ្រាន់តែវាយពាក្យថា «Earth Song – Michael Jackson» នោះនឹងបានទស្សនា។ ក្រោយបងប្អូនទស្សនារួច សូមស្រឡាញ់ភពផែនដីជាងមុន និងជួយបណ្តុះក្មេងជំនាន់ក្រោយ ឲ្យចេះស្រឡាញ់ និងចូលរួមថែរក្សាផែនដីផង៕
រៀបរៀង៖ Cambo Space (ដំំបូង៖ ១១ វិច្ឆិកា ២០១៧, Update៖ ៣ ឧសភា ២០២៣)
