(រដ្ឋកាលីហ្វញ៉ា)៖ ក្រុមអ្នកវិទ្យាសាស្រ្តបានធ្វើការព្យាករណ៍ទុកថា
អំពើឃោឃៅនៃពិភពលោក នឹងកាន់តែកើនឡើងដោយសារមានការប្រែប្រួល នៃអាកាសធាតុ ហើយការកើនឡើងនេះអាចមានរយៈពេល ចាប់ពីបច្ចុប្បន្នរហូតដល់ឆ្នាំ ២០៥០។ ជាមួយគ្នានេះដែរ ការប្រែប្រួលនេះនឹងនាំឲ្យមានកំដៅកើនឡើងខ្លាំង
ព្រមទាំងមានព្យុះភ្លៀងជាច្រើន។ នេះបើតាមការដកស្រង់ព័ត៌មានអាមេរិក នៅថ្ងៃសុក្រ ទី០៩ ខែមីនា ឆ្នាំ២០១៨។
ក្រុមអ្នកស្រាវជ្រាវមកពីមហាវិទ្យាល័យ នៃរដ្ឋកាលីហ្វញ៉ាបានធ្វើការពិនិត្យទិន្នន័យដែលបានមកពីការសិក្សានៃមុខវិជ្ជាធំៗមួយចំនួន ដែលក្នុងនោះរួមមាន
សង្គ្រាមប្រវត្តិសាស្រ្ត ប្រព័ន្ធហេដ្ឋារចនាសម្ព័ន្ធជាដើម ដែលវាបានទទួលរងការខូចខាត
ព្រមទាំងអាចមានទំនាក់ទំនងជាមួយនឹងការកើនឡើង នៃកម្តៅភពផែនដី។
ក្រុមអ្នកវិទ្យាសាស្រ្តបានធ្វើការព្យាករណ៍ទុកថា ការកើតឡើងនៃសង្គ្រាមស៊ីវិល ប្រហែលជាអាចនាំឲ្យមានការកើនឡើងកំដៅ នៃភពផែនដីដល់ទៅ ៥៦ភាគរយ នៅក្នុងរយៈពេល ០៤សតវត្សរ៍ក្រោយ មិនតែប៉ុណ្ណោះវាក៏អាចនាំឲ្យមានភ្លៀងធ្លាក់មិនទៀតទាត់ ព្រមទាំងអាចមានព្យុះភ្លៀងទៀតផង។
ជាមួយគ្នានេះដែរ ក្រុមអ្នកស្រាវជ្រាវក៏បានធ្វើការពិនិត្យឯកសារវិទ្យាសាស្រ្តចំនួន ៦០សន្លឹក ដែលបានមកពីការសិក្សាអំពីមុខវិជ្ជាមួយចំនួន ដែលនៅក្នុងនោះរួមមាន
អាកាសធាតុសាស្រ្ត បុរាណវត្ថុវិទ្យា សេដ្ឋកិច្ច វិទ្យាសាស្រ្តនយោបាយ និង
ចិត្តវិទ្យា។
សម្រាប់ការសិក្សាពិតជាបានបញ្ជាក់ អំពីអត្តចរិត និងសតិអារម្មណ៍របស់មនុស្ស ដែលប្រែប្រួលទៅតាមបរិស្ថាន ដែលពួកគេកំពុងរស់នៅ។ បរិស្ថាននៅទីនេះ គឺសំដៅទៅលើអ្វីគ្រប់យ៉ាងដែលនៅជុំវិញខ្លួនគេ ជាពិសេសគឺបរិយាកាសតែម្តង។ សម្រាប់ផ្នែកវេជ្ជសាស្ត្រវិញ រាងកាយរបស់មនុស្ស គឺតែងតែព្យាយាមសម្រប ទៅនឹងបរិស្ថាននៅជុំវិញខ្លួន ប៉ុន្តែបើសិនមានការផ្លាស់ប្តូរលឿនពេក ដូចជា ក្តៅ ត្រជាក់ ស្ងួត ឬសើមនោះ រាងកាយមនុស្ស នឹងជួបប្រទះនូវបញ្ហាទាំងផ្នែករាងកាយ និងផ្លូវចិត្ត៕
