HOT NEWS: ចិនបាញ់បង្ហោះបន្ទប់ស្តុកទំនិញ Tianzhou-2 ទៅកាន់ទីអវកាស ដើម្បីភ្ជាប់ជាមួយបន្ទប់ស្នូល Tianhe

707

(ប៉េកាំង)៖ នៅវេលាម៉ោង ៨៖៥៥នាទីយប់ថ្ងៃសៅរ៍ ទី២៩ ខែឧសភា ឆ្នាំ២០២១ ប្រទេសចិនបានធ្វើការបាញ់បង្ហោះ បន្ទប់ស្តុកទំនិញឈ្មោះ «ធានចូវ-២» (Tianzhou-2) ឡើងទៅកាន់ទីអវកាស ដើម្បីឲ្យវាចល័តទៅតភ្ជាប់ជាមួយ បន្ទប់ស្ថានីយអវកាសស្នូល ធានហឺ (Tianhe)។ ការបាញ់បង្ហោះនេះត្រូវបានធ្វើឡើង នៅមូលដ្ឋានវិនឆាង (Wenchang) នៃខេត្តហៃណា (Hainan) ដោយប្រើប្រាស់គ្រាប់រ៉ុក្កែត Long March 7។

បន្ទប់ស្តុកទំនិញ Tianzhou-2

Tianzhou-2 មានទម្ងន់ ៤.៦៩តោន ផ្ទុកទៅដោយទំនិញ ដើម្បីឡើងទៅផ្សាភ្ជាប់ជាមួយបន្ទប់អវកាសស្នូល Tianhe។ រដ្ឋបាលអវកាសចិន (CNSA) ក៏បានប្រកាសផងដែរថា បន្ទប់ស្ថានីយអវកាសទី ១ ឈ្មោះ ធានហឺ (Tianhe) បានត្រៀមលក្ខណៈរួចរាល់ហើយ ដើម្បីទទួលអវកាសយានិកចិនដំបូង ដែលនឹងឡើងទៅទស្សនកិច្ចទីនោះលើកទី១។ ប្រសិនបើ Tianzhou-2 និង Tianhe ផ្សាភ្ជាប់គ្នាដោយរលូនតាមការគ្រោងទុកនោះ អវកាសយានិកចិនដំបូង នឹងឡើងទៅកាន់ទីនោះនៅអំឡុងខែមិថុនា។

រ៉ុក្កែត Long March 7 ដឹក Tianzhou-2

បន្ទប់ស្ថានីយអវកាស Tianhe ត្រូវបានគ្រាប់រ៉ុក្កែត Long March 5B រុញច្រានឡើងទៅទីអវកាស កាលពីថ្ងៃទី២៨ ខែមេសា ឆ្នាំ២០២១ ហើយចាប់តាំងពីពេលនោះ បន្ទប់ស្នូលដែលមានបណ្តោយ ១៦.៦ម៉ែត្រ និងអង្កត់ផ្ចិត ៤.២ម៉ែត្រ ព្រមទាំងទម្ងន់ ២២.៥តោនមួយនេះ ត្រូវបានកែតម្រូវ និងបញ្ជាឲ្យស្ថិតនៅក្នុងគន្លងត្រឹមត្រូវ។ Tianhe ពេលនេះកំពុងស្ថិតនៅរយៈកម្ពស់ «៣៦៨គីឡូម៉ែត្រ» ពីផ្ទៃផែនដី។

HOT NEWS: ចិនបាញ់បង្ហោះបន្ទប់ស្តុកទំនិញ Tianzhou-2 ទៅកាន់ទីអវកាស ដើម្បីភ្ជាប់ជាមួយបន្ទប់ស្នូល Tianhe

គួរបញ្ជាក់ថា ដើម្បីបញ្ចប់ការសាងសង់ស្ថានីយអវកាសផ្ទាល់ខ្លួន នៅឆ្នាំ២០២២ ចិនត្រូវការការបាញ់បង្ហោះរហូតដល់ទៅ ១០លើក។ ពាក្យថា Tianhe គឺមានន័យថា «វិមាននៅលើអាកាស ឬវិមានឋានសួគ៌» ហើយទម្ងន់សរុបរបស់វាគឺ ៦៦តោន នៅក្រោយការសាងសង់ចប់៕

បន្ទប់ស្នូលនៃស្ថានីយអវកាស Tianhe

ប្រែសម្រួល៖ Cambo Space
ប្រភព៖ space (ថ្ងៃសៅរ៍ ទី២៩ ខែឧសភា ឆ្នាំ២០២១)

480×240 Banner