(សុខភាព)៖ តើអ្នកមានភ្នែកស្ងូត រមាស់ និងរលាកមែនទេ? ការបង្កើតទឹកភ្នែកសិប្បនិម្មិត (ថ្នាំបន្តក់ភ្នែក) អាចជួយឲ្យអ្នកធូរស្បើយត្រឹមតែមួយរយៈពេលខ្លីប៉ុណ្ណោះ។ ផ្ទុយទៅវិញជាមួយនឹងការថែទាំភ្នែកឲ្យបានត្រឹមត្រូវ និងយកចិត្តទុកដាក់យ៉ាងហ្មត់ចត់ ភ្នែករបស់អ្នកនឹងអាចផលិតទឹកភ្នែកតាមបែបធម្មជាតិបាន តាមតែអ្នកត្រូវការ ហើយសុខភាពភ្នែកនឹងល្អយូរអង្វែង។
១. អ្នកគួរដឹងថា ទឹកភ្នែកត្រូវបានបង្កើតឡើងដោយ ០៣ស្រទាប់។ ស្រទាប់ទី១ គឺស្រទាប់ខ្លាញ់ ស្រទាប់ទី២ គឺស្រទាប់ទឹក ហើយស្រទាប់ទី៣ គឺស្រទាប់ម៊ូស៊ីន ដែលជាស្រទាប់សម្រាប់បញ្ចេញទឹកភ្នែក ឆ្លងកាត់គ្រាប់ភ្នែកនៅពេលដែលអ្នកព្រិចភ្នែក។
២. អ្នកគួតែទទួលទានអាហារដែលមានអាស៊ីតខ្លាញ់អូមេហ្គា៦ និងអាស៊ីតខ្លាញ់អូមេហ្គា៣ (ដូចជាត្រីជាដើម) ដើម្បីជួយបង្កើនស្រទាប់ទឺកនៅក្នុងភ្នែក ដែលវាអាចជួយធ្វើឲ្យភ្នែកមិនឆាប់ស្ងួត។
៣. ដើម្បីថែរក្សាស្រទាប់ម៊ូស៊ីនរបស់ភ្នែកឲ្យបានល្អ អ្នកត្រូវទទួលទានវីតាមីនA។ ហើយប្រភពដ៏ល្អរបស់វីតាមីន A នោះរួមមាន ការ៉ុត ដំឡូងបារាំងផ្អែម ដំឡូងជ្វា ត្រសក់ស្រូវ និងខ្លាញ់ត្រី។
៤. អ្នកត្រូវទទួលទានទឹកឲ្យបានច្រើនជាប្រចាំដើម្បីជំនួយដល់ស្រទាប់ទី២របស់ភ្នែក ដែលជាស្រទាប់ទឹក។
៥. អ្នកគួរតែទទួលទាន វីតាមីន C ដែលវាអាចជួយបញ្ចេញទឹកភ្នែក នៅពេលដែលអ្នកមានអាការៈក្រហាយភ្នែក។
៦. អ្នកអាចបិទត្រសក់ធម្មជាតិ (គ្មានគីមី) ដែលក្លាស្សេ ឲ្យត្រជាក់ល្មម រយៈពេល ២០នាទី ដោយអាចធ្វើយ៉ាងហោចណាស់ ៣ដងក្នុងមួយសប្តាហ៍។ វាអាចជួយភ្នែកឲ្យត្រជាក់ ស្រទន់ និងរង្វង់ភ្នែកលែងខ្មៅ។
៧. ឧស្សាហ៍គេងថ្ងៃឲ្យបានយ៉ាងហោចណាស់ ២០នាទី ពេលសម្រាកពីធ្វើការ ដើម្បីឲ្យភ្នែកបានសម្រាក និងយ៉ាងហោចណាស់សម្រាកឲ្យបាន ៧ម៉ោងក្នុងមួយថ្ងៃ សម្រាប់មនុស្សពេញវ័យឡើងទៅ។
៨. កុំបង្អង់យូរ ត្រូវទៅពេទ្យឯកទេសភ្នែកភ្លាម ដើម្បីពិនិត្យ ក្នុងពេលលោកអ្នកជួបអការៈធ្ងន់ធ្ងរ៕
