ចិនបញ្ជូនយាន «ឆាងអឺ-៦» ទៅខួងយកសំណាក ពីផ្នែកម្ខាងទៀតនៃព្រះចន្ទ (យល់ដឹង) (មានវីដេអូ)

415

(បរទេស)៖ កាលពីថ្ងៃទី០៣ ខែឧសភា ឆ្នាំ២០២៤ យាន ឆាងអឺទី៦ (Chang’e-6) របស់ប្រទេសចិន ត្រូវបានគ្រាប់រ៉ុក្កែត Long March 5 ពាំនាំចេញពីមូលដ្ឋានបាញ់បង្ហោះ វិនឆាង (Wenchang) នៃខេត្តដីកោះ ហៃណាន (Hainan) ភាគខាងត្បូងប្រទេសចិន ដោយស្ថិតក្នុងគោលដៅទៅចុះចតនៅផ្នែកម្ខាងទៀតរបស់ព្រះចន្ទ ដែលមិនបែរមករកភពផែនដី ឬជាភាសាអង់គ្លេសហៅថា Far Side នោះ។

(Video From YouTube: Cambo Space Edu)

មានរឿងជាច្រើនដែលគួរឲ្យចាប់អារម្មណ៍ ក្នុងនោះមិនមែនតែទៅលើការបោះជំហានយ៉ាងលឿន និងតាមផែនការដោយឥតពន្យារពេលរបស់មហាអំណាចសេដ្ឋកិច្ចលេខ លើពិភពលោកនេះប៉ុណ្ណោះទេ តែក៏ជាការបើកចំហឲ្យមានការរួមសហការគ្នាជាមួយប្រទេសផ្សេងៗទៀត នៅក្នុងការអភិវឌ្ឍមូលដ្ឋានមនុស្សលើព្រះចន្ទ ដែលចិនជាអ្នកដឹកនាំ។

រ៉ុក្កែតផ្ទុកយាន Chang’e-6 ចាកចេញពីផែនដីនៅថ្ងៃទី៣ ខែឧសភា ឆ្នាំ២០២៤ (រូបភាពពីបរទេស)

វានឹងក្លាយជាលើកទី សម្រាប់ប្រទេសចិន ក្នុងការបញ្ជូនយានទៅចុះចតនៅ ផ្នែកម្ខាងទៀតរបស់ព្រះចន្ទ ឬ far side នោះ គិតចាប់តាំងពីបេសកកម្មយាន ឆាងអឺ៤ (Chang’e-4) ដែលបានចុះចតដោយជោគជ័យ ដំបូងគេបំផុតនៅទីនោះ កាលពីឆ្នាំ២០១៩។ វាក៏បង្ហាញពីការបោះជំហានរបស់ចិន ស្របទៅតាមផែនការដ៏យូរអង្វែងរបស់ខ្លួន ដែលនឹងមើលឃើញប្រទេសជាច្រើនទៀតចូលរួមជាក់ស្តែងផងដែរ។

  • តើចិនទៅធ្វើអ្វីទៀតនៅផ្នែក far side នោះ?

តាមពិតទៅយាន Chang’e-6 នេះត្រូវបានបង្កើតឡើង ដើម្បីធ្វើជាយានបម្រុងសម្រាប់បេសកកម្ម Chang’e-5 ដែលបានទទួលជោគជ័យ រួចទៅហើយក្នុងការទៅជីកយកសំណាក (sample) ពីផ្នែកនៃផ្ទៃព្រះចន្ទ ដែលបែរមុខមករកផែនដី (near side) កាលពីខែធ្នូ ឆ្នាំ២០២០។ Chang’e-5 បាននាំយក sample ទម្រង់ ១.៧៣kg ពីព្រះចន្ទ ដែលជាជោគជ័យធំធេងមួយ បានធ្វើឲ្យចិនកាន់តែត្រូវពិភពលោកទទួលស្គាល់ អំពីសមត្ថភាពជាក់ស្តែង។

រូបភាព 3D នៃបេសកកម្ម Chang’e-5 (រូបភាពពី CNSA/CGTN)

ដូច្នេះសម្រាប់បេសកកម្ម Chang’e-6 នឹងទៅជីកយកសំណាកពីផ្នែក far side របស់ព្រះចន្ទ ត្រលប់មកកាន់ភពផែនដីជាលើកដំបូងក្នុងប្រវត្តិសាស្ត្រ។ ចិនអះអាងថា នឹងជីកយក sample ជាកម្ទេចថ្ម និងផេះ (regolith) ឲ្យបាន ២kg និងដឹកមកយកទម្លាក់លើផែនដី នៅរយៈពេល ៥៣ថ្ងៃក្រោយការបាញ់បញ្ជូនចេញពីផែនដី កាលពីថ្ងៃទី០៣ ខែឧសភា ឆ្នាំ២០២៤នោះ។

  • Chang’e-6 ជាបេសកកម្មដ៏ស្មុគស្មាញមួយ

នៅក្នុងចង្កោមបេសកកម្ម Chang’e-6 មានគ្រឿងយន្ត ប្រភេទ សម្រាប់បំពេញដំណាក់កាលសំខាន់ៗដូចជា៖ យានគោចរជុំវិញព្រះចន្ទ (lunar orbiter), យានសម្រាប់ចុះចតលើផ្ទៃ (lander), យានសម្រាប់ហោះឡើងពីផ្ទៃព្រះចន្ទវិញ (ascender) និងប្រអប់ស្តុក sample ដឹកដោយយាន orbiter ដើម្បីមកទម្លាក់លើផ្ទៃផែនដី (Earth-reentry module)

ប្រសិនបើអ្វីៗដំណើរការទៅដោយរលូន នោះយានឆាងអឺទី៦ នឹងចុះចតនៅក្នុងរណ្តៅ អាប៉ូឡូ (Apollo crater) ដែលមានមូលដ្ឋាននៅក្នុង តំបន់បាសាំងប៉ូលខាងត្បូង (South Pole-Aitken ឬ SPA)
ដែលមានអង្កត់ផ្ចិត ២,៥០០km

ផ្នែក Far Side របស់ព្រះចន្ទ (រូបភាពពីបរទេស)

មូលហេតុនៃការចុះទៅកាន់ទីនោះ ព្រោះចិនចង់ខួងយកសំណាកដែលអាចមានផ្ទុកនូវតំរុយនានា អំពីអតីតកាល និងដំណើរវិវត្តន៍របស់ព្រះចន្ទ។ យោងតាមសហគមន៍ Planetary Society បានរៀបរាប់ថា បេសកកម្ម Chang’e-6 នឹងពន្យល់យើងអំពីដំណើរនៃវត្ថុអវកាសធំៗទាំងឡាយ ដែលបានធ្លាក់មកលើព្រះចន្ទ និងផែនដីកាលពីរាប់ពាន់លានឆ្នាំមុន ព្រមទាំងមូលហេតុដែលធ្វើឲ្យផ្នែក far side នោះ ខុសប្លែកពីផ្នែក near side

  • កាលបរិច្ឆេទនៃដំណាក់កាលសំខាន់ៗរបស់ Chang’e-6

រ៉ុក្កែតផ្ទុក Chang’e-6 បានរុលផុតពីផ្ទៃផែនដី កាលពីថ្ងៃទី៣ ខែឧសភា ហើយនឹងទៅដល់គន្លងគោចរជុំវិញព្រះចន្ទ នៅថ្ងៃទី៧-៨ ខែឧសភា ខណៈចូលចុះចតលើផ្ទៃផ្នែក far side របស់ព្រះចន្ទ នឹងកើតឡើងនៅដើមខែមិថុនា ហើយ Chang’e-6 នឹងចាប់ផ្តើមជីកខួងទៅក្នុងផ្ទៃព្រះចន្ទ រហូតដល់ជម្រៅ ២ម៉ែត្រ ដើម្បីប្រមូលយក sample រួចច្រកទុកក្នុងប្រអប់ស្តុក។

រូបតំណាងបេសកកម្មឆាងអឺទី៦ (រូបភាពពី CGTN)

ក្រោយរៀបចំវេចខ្ចប់សំណាករួច Chang’e-6 នឹងហោះចេញពីផ្ទៃព្រះចន្ទ ត្រលប់មកផែនដីវិញតាមរយៈយាន orbiter នៅអំលុងចុងខែមិថុនា រួចទើបទម្លាក់ខ្លួនតាមរយៈ module ចុះមកកាន់ទឹកដីប្រទេសចិនវិញ នៅអំលុងចុងខែមិថុនា ឆ្នាំ២០២៤។ សរុបមកបេសកកម្ម Chang’e-6 មានរយៈពេល ៥៣ថ្ងៃ ដោយគិតចាប់តាំងពីការចេញពីផែនដីទៅព្រះចន្ទ និងដឹកសំណាកពីព្រះចន្ទមកកាន់ផែនដីវិញ។

  • ការប្រកួតប្រជែងកាន់តែខ្លាំងជាមួយសហរដ្ឋអាមេរិក

សម្រាប់ដៃគូដែលបានចូលរួមក្នុងគោលដៅបង្កើត មូលដ្ឋានស្រាវជ្រាវព្រះចន្ទអន្តរជាតិ (International Lunar Research Station ឬ ILRS) ជាមួយប្រទេសចិននោះមានដូចជា រុស្ស៊ី អាហ្សែបៃហ្សង់ បេឡារុស អេហ្ស៊ីប ប៉ាគីស្ថាន អាហ្វ្រិកខាងត្បូង ថៃ តួកគី និងវេណេស៊ុយអេឡាជាដើម ដោយវានឹងចាប់ផ្តើមលេចរូបរាងនៅអំលុងទសវត្សរ៍ ២០៤០ ខណៈចិន និងដៃគូក៏បានជ្រើសរើសយកតំបន់ប៉ូលខាងត្បូងព្រះចន្ទ ធ្វើជាមូលដ្ឋានរបស់ខ្លួនដូចបេសកកម្ម Artemis នៃសហរដ្ឋអាមេរិក និងសម្ព័ន្ធមិត្តដែរ។

មូលដ្ឋាន ILRS (រូបភាពពី CNSA)

គួរបញ្ជាក់ថា កន្លងមកនេះប្រទេសចិន បានធ្វើតេស្តបច្ចេកវិទ្យាសំខាន់ៗមួយចំនួន ដែលនឹងត្រូវការសម្រាប់មូលដ្ឋាន ILRS របស់ខ្លួនរួចទៅហើយ ក្នុងនោះមានដូចជា ផ្កាយរណប Queqiao 2 ព្រមទាំងយាន Tiandu 1 និង Tiandu 2 ជាដើម ដែលនឹងមានតួនាទីដឹកនាំ និងដាក់ពង្រាយប្រព័ន្ធទូរគមនាគមន៍ និងចង្អុលទិសដៅនៅឋានព្រះចន្ទ។ ខណៈដែលសហរដ្ឋអាមេរិក គ្រោងនាំមនុស្សដំបូងទៅជាន់ដីព្រះចន្ទនៅឆ្នាំ២០២៦ តាមរយៈបេសកកម្ម Artemis 3 នោះ ចិនវិញគ្រោងធ្វើរឿងនេះដែរនៅឆ្នាំ២០៣០

ប្រែសម្រួល៖ ឥន្ទ វុត្ថា (រក្សាសិទ្ធិដោយ Cambo Space)
ប្រភព៖ CNA/SPACE (ថ្ងៃសៅរ៍ ទី០៤ ខែឧសភា ឆ្នាំ២០២៤)

480×240 Banner