(សិង្ហបុរី)៖ ក្រុមអ្នកវិទ្យាសាស្រ្តជនជាតិអាមេរិក បានប្រើប្រាស់ប្រព័ន្ធផ្កាយរណប ដើម្បីសិក្សា និង កំណត់រូបរាងឲ្យបានច្បាស់ជាងមុន នៃការកើនឡើងកំពស់ទឹកសមុទ្រ ដែលបានមកពីការរលាយផែនទឹកកក និង កាតឹបទឹកកក។ ការប្រើប្រាស់បច្ចេកវិទ្យាថ្មីនេះអាច ជួយជំរុញឲ្យការសិក្សា អាចដឹងកាន់តែច្បាស់អំពីកំរិតទឹកជំនន់អាចឡើងទៅតំបន់ច្រាំងសមុទ្រលឿនប៉ុណ្ណា ដែលវាកើតឡើង ដោយសារការកើនឡើង នៃកំដៅផែនដី។
ការសិក្សាដែលបានធ្វើឡើង នៅមហាវិទ្យាល័យកូរ៉ូណាដូ ដែលបានចុះផ្សាយកាលពីថ្ងៃព្រហស្បតិ៍កន្លងទៅនេះ បានរកឃើញថា ការរួមតូចនៃផែនទឹកកក និងកាតឹបទឹកកក បានកំពុងតែធ្វើឲ្យកំពស់ទឹកសមុទ្រឡើងទៅដល់ ១.៥មីលីម៉ែត្រក្នុងមួយឆ្នាំ ដែលត្រូវវាស់ដោយរង្វាស់មានក្រិតចាប់ពី ១.២មីលីម៉ែត្រ ទៅ ១.៨មីលីម៉ែត្រ។
មិនតែប៉ុណ្ណោះ ការសិក្សក៏ធ្វើការទស្សន៍ទាយដែរថា កំពស់ទឹកសមុទ្រនឹងអាចកើនឡើងរហូតដល់ ២ម៉ែត្រទៀត ក្នុងឆ្នាំ២១០០។ ក្រុមអ្នកវិទ្យាសាស្រ្តនិយាយថា «កំពស់ទឹកសមុទ្របានកើនឡើងជាមធ្យម ក្នុងរយៈកំពស់ប្រហែលជា ១៨សង់ទីម៉ែត្រ ចាប់តាំងពីឆ្នាំ ១៩០០ និង ការកើនឡើងនៃកម្តៅផែនដីដ៏ឆាប់រហ័ស ក៏នឹងអាចធ្វើឲ្យកំពស់ទឹកសមុទ្រ កើនឡើងយ៉ាងឆាប់រហ័សដែរ។
ដើម្បីទទួលបានរូបភាពដ៏ប្រសើរ លោក Wahr និងក្រុមការងារបានប្រើប្រាស់ប្រព័ន្ធផ្កាយរណប ដែលអាចវាស់អំពីបំរែបំរួល នៃផ្ទាំងទឹកកក ដែលទិន្នន័យទាំងនេះ បានផ្តល់អំពីការបំរែបំរួល តាំងពីឆ្នាំ២០០៣ ដល់ ឆ្នាំ២០១០។ ការសិក្សាទៅលើផែនទឹកកក នឹងកាតឹបទឹកកក បានបូករួមទាំង តំបន់ដែលគ្របដណ្តប់ដោយទឹកកក នៅតំបន់អាក់ទិកនៃប៉ូលខាងជើង អាមេរិកខាងជើង អាស៊ីកោះគ្រីនលេន និង ទ្វីបអង់តាក់ទិកផងដែរ។
សរុបសេចក្តីមក កំរិតនៃកំពស់ទឹកសមុទ្រកើនឡើងយ៉ាងលឿន នៅក្នុងទសវត្យរ៍ថ្មីៗនេះ ដោយបានកើនឡើងទៅដល់ ៣.៥មីលីម៉ែត្រ ក្នុងមួយឆ្នាំ និងពាក់កណ្តាលទៀតបានមកពីការឡើងកម្តៅ នៃមហាសមុទ្រ។ ទឹកកើនឡើង នៅពេលដែលវាមានសីតុណ្ហភាពក្តៅជាងធម្មតា។ ក្រុមអ្នកស្រាវជ្រាវបានរកឃើញថា ការរលាយទឹកកកនៅកោះ គ្រីនលេន និងនៅមហាសមុទ្រអាក់ទិក បានកំពុងតែធ្វើឲ្យកំពស់ទឹកកើនឡើង ១មីលីម៉ែតក្រក្នុងមួយឆ្នាំ។
ក្រុមអ្នកស្រាវជ្រាវក៏បានព្រមានដែរថា «តាមរយៈផ្កាយរណបយើងឃើញថា មានតំបន់ទឹកកកជាច្រើន ត្រូវបានរលាយដោយសារការកើនឡើង នៃកំដៅផែនដី ដែលនេះគឺជាការព្រួយបារម្ភមួយផងដែរ»។ ការឡើងកម្ពស់បែបនេះ នឹងធ្វើឲ្យទីក្រុងជាច្រើនលេចលង់ នៅប៉ុន្មានទសវត្សរ៍ខាងមុខនេះ ហើយជីវិតមនុស្សក៏នឹងអន្តរាយទៅតាមនោះផងដែរ៕
