ត្រូវការសម្រស់ស្រស់ថ្លាភ្លាមៗ? ត្រសក់អាចជួយបានទាំង «រង្វង់ភ្នែក និងស្បែកមុខ» តែម្តង!
(បរទេស)៖ មានអារម្មណ៍ថា ភ្នែករូងខ្មៅ និងស្បែកមុខស្រអាប់មែនទេ? ពិតជាពិបាកចូលរួមកម្មវិធីសំខាន់ៗណាស់ ទោះបីជាអ្នកជាបុរស ឬស្ត្រីក៏ដោយ។ ដូច្នេះសូមប្រញាប់ដោះស្រាយភ្លាមៗ ដោយចំណាយតិច និងមិនឲ្យប៉ះពាល់ស្បែកមុខឡើយ។ ដោយសារតែត្រសក់ជាបន្លែដែលសម្បូរទៅដោយវីតាមីន C កាល់ស្យូម ស៊ីលីកាត និងប៉ូតាស្យូម ដូច្នេះហើយបានជាអ្នកដែលយកត្រសក់ធ្វើជាមុខម្ហូបជាប្រចាំត្រកូល មានស្បែកស្អាតសក់រលើបរលោង គ្រប់ពេលវេលា។
ត្រសក់មិនគ្រាន់តែល្អចំពោះស្បែកមុខប៉ុណ្ណោះទេ វានៅមានអត្ថប្រយោជន៍ផ្សេងៗច្រើនទៀត ដែលយើងមិនធ្លាប់បានដឹង។ ដូច្នេះចំណុចសំខាន់ៗបន្ថែមទៀតខាងក្រោមនេះ នឹងជួយឲ្យមិត្តៗទាំងអស់ ទទួលបានសុខភាពល្អទាំងពីក្នុង និងខាងក្រៅរាងកាយ ដោយចំណាយចិត្ត និងមាននិរន្តរភាពជាងប្រើគ្រឿងសំអាងគីមីឆ្ងាយណាស់។
ចំពោះសុភាពនារី និងបុរសដែលអង្គុយនៅពីមុខកុំព្យូទ័រពេញមួយថ្ងៃ រហូតទាល់តែផ្សារភ្នែក
ហើមភ្នែកដូចខ្លាឃ្មុំនៅពេលត្រឡប់មកដល់ផ្ទះវិញ បើបានចិតត្រសក់ជាបន្ទះស្តើងៗមកបិទនោះលើត្របកភ្នែកប្រមាណ ២០នាទី ពេលនោះអំបិលរ៉ែ នឹងជ្រាបចូលទៅក្នុងស្បែកជួយសម្រាលអាការៈហើម។ បើបានធ្វើជាប្រចាំស្បែកជុំវិញភ្នែក និងខ្លាំង
ស្នាមជ្រីវជ្រួញជុំវិញភ្នែកក៏មិនហ៊ានមកក្បែរយើងទៀតដែរ។
ត្រសក់មានប្រសិទ្ធភាពនៅក្នុងការបញ្ចេញទឹកនោម ជាថ្នាំបញ្ចុះ និងជួយលាងជាតិពុលចេញពីរាងកាយ។ វិធីប្តូរត្រសក់ឲ្យក្លាយជាថ្នាំឌីថក់ ដែលជាថ្នាំបន្សាបជាតិពុល ជាការងាយបំផុតដោយគ្រាន់តែគាបច្របាច់ទឹកត្រសក់ ១ផ្លែ លាយជាមួយនឹងទឹកខ្ញីច្របាច់ស្រស់ៗ ប៉ុន្តែត្រូវផឹកក្រោយភ្ញាក់ពីគេងភ្លាម ពីព្រោះថាឌីថក់ដែលទទួលបានលទ្ធផលល្អ ត្រូវធ្វើនៅពេលពោះទំនេរមិនទាន់ទទួលទានអ្វីសោះ។
បើចេញទៅហាល ថ្ងៃក្តៅរហូតទាល់តែផ្សារោលស្បែក ត្រូវច្របាច់យកទឹកត្រសក់លាយជាមួយឡេជំនួយស្បែកកន្លះស្លាបព្រាកាហ្វេ មកលាបលើកន្លែងដែលមានស្នាមរោលខ្លោច។
ពេលនោះជាតិត្រជាក់ និងវីតាមីន D ដែលបានពីត្រសក់នឹងផ្តល់សំណើមឲ្យស្បែក
ជួយកាត់បន្ថយភាពផ្សាក្រហាយបានទៀតផង៕
