(បរទេស)៖ អ្នកអាចមានជំងឺដោយសារតែការចំលងមេរោគ ឬបាក់តេរី
ពីមនុស្សម្នាក់ទៅកាន់មនុស្សម្នាក់ និងពីកន្លែងមួយទៅកាន់កន្លែងមួយទៀត នៅអំឡុងដើមឆ្នាំ ដែលមានភ្លៀងកក់ខែជាបន្តបន្ទាប់បែបនេះ។
ដូច្នេះចូរអ្នកជៀសវាងពីការចម្លងមេរោគអស់ទាំងនេះ ដោយការសម្អាតដៃរបស់អ្នកជាប្រចាំ ជាពិសេសបន្ទាប់ពីក្រោយពេលបើកបររួច។ ទោះបីជាដៃរបស់អ្នកស្អាតក៏ដោយ មេរោគមួយចំនួនក៏អាចទំនៅលើដៃរបស់អ្នកបានដែរ។ ក៏ប៉ុន្តែពពួកបារ៉ាសិតប្រភេទទាំងនេះ ពុំមានផលប៉ះពាល់ដល់សុខភាពនោះទេប្រសិនបើអ្នកប៉ះខ្លួនប្រាណរបស់អ្នក។
ផ្ទុយទៅវិញ កន្លែងដែលវាចំលងមេរោគលឿនជាងគេ និងអាចនាំឲ្យមានការប៉ះពាល់គឺ
ផ្ទៃមុខរបស់អ្នកដែលមានរួមទាំង ភ្នែក មាត់ និងច្រមុះ។ អ្នកគួរតែកុំធ្វើការអង្អែលផ្ទៃមុខញឹកញាប់ខ្លាំងពេក។ មេរោគ និងការចំលងមេរោគអាចរស់នៅបានគ្រប់ទៅកន្លែងទាំងអស់ ក៏ប៉ុន្តែកន្លែងវាមានឱកាស ក្នុងការបង្ហាញខ្លួនច្រើនជាងគេនោះ គឺនៅកន្លែងដែលមានអ្នកជំងឺ។
ប្រសិនបើអ្នកដឹងថា មានអ្នកជំងឺផ្តាសាយនៅជិតខ្លួន ចូរអ្នកព្យាយាមនៅឲ្យឆ្ងាយ
ដើម្បីកុំឲ្យមេរោគមានការរីករាលដាលខ្លាំងជាងនេះ។ នៅក្នុងរដូវផ្តាសាយ ចូលអ្នកជៀសវាងទទួលទានអាហាររួម ឬអាហារជាក្រុម ដែលវាអាចចំលងមេរោគបានយ៉ាងលឿនបំផុត ជាពិសេសនៅពេល ដែលមានអ្នកមានជំងឺផ្តាសាយចូលរួមជាមួយ ពីព្រោះនៅពេលដែលពួកគេធ្វើការកណ្តាស់ ពួកគេតែងតែយកសដៃទៅខ្ទប់ ហើយមេរោគទាំងនោះក៏ឆ្លងតាមរយៈដៃ និងការប៉ះពាល់ខ្លួនប្រាណរបស់ពួកគេ។
ទោះបីជាអ្នកមិនមានជំងឺក៏ដោយ ក៏អ្នកគួរតែគេងឲ្យបានគ្រប់គ្រាន់ដែរ ដើម្បីជួយឲ្យរាងកាយរបស់អ្នកមាំមួន និងអាចទប់ទល់ជាមួយមេរោគផ្សេងៗពិសេសមេរោគផ្តាសាយ។ការទទួលទានគ្រឿងស្រវឹង ធ្វើឲ្យប្រព័ន្ធការពាររាងកាយមានសភាពចុះខ្សោយ ដូច្នេះវាងាយនឹងធ្វើឲ្យអ្នកមានជំងឺ។ នៅពេលដែលរាងកាយរបស់អ្នក ធ្វើការប្រឆាំងនឹងជំងឺ ប្រព័ន្ធការពាររាងកាយរបស់អ្នក ត្រូវធ្វើការជ្រុលម៉ោង ដែលជាហេតុធ្វើឲ្យអ្នកបាត់បង់ជាតិទឹក។ ដូច្នេះ អ្នកគួរទទួលទានទឹកឲ្យបានច្រើនជាប្រចាំ៕
