(បរទេស)៖ យើងម្នាក់ៗតែងតែមានទំលាប់ផ្ទាល់ខ្លួនជាច្រើនសកម្មភាព។
ជាមួយគ្នានេះដែរ ពួកយើងតែងតែគិតថា ការធ្វើសកម្មភាពទាំងនោះ អាចធ្វើឲ្យពួកយើងមានអារម្មណ៍ធូរស្រាល។ ទោះបីជាយ៉ាងណាក្តី អ្វីដែលយើងមិនធ្លាប់បានដឹង និងមិនបានកត់សំគាល់នោះគឺ ទំលាប់អស់ទាំងនេះ ប្រហែលជាអាចធ្វើការបំផ្លិចបំផ្លាញ ដល់ខួរក្បាលរបស់យើង។ នេះបើតាមការដកស្រង់ពីវែបសាយសុខភាពសកល។
១. ការបង្អត់អាហារពេលព្រឹក៖ អ្នកដែលមិនទទួលទានអាហារពេលព្រឹក ពួកគេត្រូវមានកំរិតជាតិស្ករនៅក្នុងឈាមទាប ដែលនេះគឺជាទំលាប់ដ៏អាក្រក់បំផុត។ ម្យ៉ាងវិញទៀត
វាធ្វើឲ្យខួរក្បាលខ្វះសារជាតិបំរុង ព្រមទាំងធ្វើឲ្យខួរក្បាលចុះខ្សោយ ដូច្នេះគួរព្យាយាមទម្លាប់ញុំាអាហារពេលព្រឹក ដែលមានប្រួតេអ៊ីនខ្ពស់។
២. ការជក់បារី៖ ការជក់បារី មិនត្រឹមតែនាំឲ្យមានគ្រោះថ្នាក់ដល់សួតប៉ុណ្ណោះទេ
វាអាចមានឲ្យមានផលប៉ះពាល់ដល់ខួរក្បាលផងដែរ។ សារជាតិនីកូទីននៅក្នុងបារី
ផ្ទុកទៅដោយសារធាតុមួយចំនួន ដែលធ្វើឲ្យកោសិការបស់ខួរក្បាលធ្លាក់ចុះទៅៗ។
ហើយប្រសិនបើអ្នកនូវតែបន្តបាត់បង់កោសិកាខួរក្បាល អ្នកប្រហែលជាមានជំងឺវង្វេងផង នៅពេលខាងមុខ ទាំងអ្នកជក់ និងអ្នកស្រូបផ្សែង។
៣. ការទទួលទានរបស់ផ្អែមច្រើន៖ អ្វីក៏ដោយឲ្យតែច្រើនលើសកំរិត វាមិនផ្តល់នូវផលល្អនោះទេ។ ការទទួលទានអាហារដែលមានកំរិតជាតិស្ករខ្ពស់ ធ្វើឲ្យមានការអាក់ខានដល់ ការស្រូបយកសារជាតិប្រូតេអ៊ីន និងសារធាតុបំរុងនៅក្នុងរាងកាយ ដែលវាជាហេតុធ្វើឲ្យមានការអាក់ខាន ដល់ការវិវឌ្ឍន៍របស់ខួរក្បាលទៅវិញ ប៉ុន្តែបើរបស់ផ្អែមពីធម្មជាតិ ដូចជាផ្លែឈើ អំពៅ និងបន្លែបង្ការមួយចំនួន គឺមិនជាថ្វីឡើយ។
៤. ការគេងមិនគ្រប់គ្រាន់៖ ការគេងពិតជាមានសារសំខាន់ណាស់ សម្រាប់រាងកាយរបស់មនុស្ស ជាពិសេសខួរក្បាល។ វាធ្វើឲ្យខួរក្បាលរបស់យើងអាចសម្រាក បន្ទាប់ពីយើងបានធ្វើការ យ៉ាងហត់នឿយពេញមួយថ្ងៃ។ ជាមួយគ្នានេះដែរ ទំលាប់នៃការគេងមិនគ្រប់គ្រាន់ក្នុងរយៈពេលយូរអាចធ្វើឲ្យកោសិការបស់ខួរក្បាលងាប់ច្រើន។
៥. ការព្យាយាមធ្វើការនៅពេល ដែលអ្នកកំពុងមានជំងឺ៖ ភាគច្រើនតែងតែកើតឡើងចំពោះសិស្សានុសិស្ស និងសាស្រ្តាចារ្យ។ ការព្យាយាមធ្វើការក្នុងខណៈពេល ដែលអ្នកកំពុងមានជំងឺ អាចធ្វើឲ្យខួរក្បាលចុះខ្សោយ ដោយវាបានខិតខំហួសកំរិតរបស់វា
ហើយអ្នកនឹងឆាប់ហត់នឿយជាងថ្ងៃធម្មតា។ បន្ទាប់ពីនោះមកខួរក្បាលរបស់អ្នក នឹងមានសភាពខ្សោយទៅៗពីមួយថ្ងៃទៅមួយថ្ងៃ៕
