លាហើយរាងស្វិត! អាហារទាំង ៦ ប្រភេទ ដែលសម្បូរប្រូតេអ៊ីន ជម្រុញការឡើងគីឡូឆាប់ៗ!
(បរទេស)៖ អាហារល្អប្រកបដោយផាសុខភាព និងធម្មជាតិ ពិតជាមិនទាន់គ្រប់គ្រាន់នោះឡើយសម្រាប់អ្នកដែលចង់បានគីឡូឡើងខ្លាំងនោះ ដូច្នេះលោកអ្នកគួរតែយល់ដឹងថា តើអាហារប្រភេទណាខ្លះ ដែលទទួលទានហើយ ឆាប់ទទួលបានផល និងមិនប៉ះពាល់ដល់តុល្យភាពរាងកាយរបស់យើងនោះ។ ខាងក្រោមនេះជាអាហារសំខាន់ៗ ៥ ប្រភេទ សម្រាប់បងប្អូនដែលស្គមស្គាំង ញុំាយ៉ាងណាក៏មិនធាត់៖
១. សាច់គោប្រឡាក់៖ សាច់គោប្រឡាក់គ្រឿង ដែលហាលថ្ងៃត្រឹមស្រពាប់ៗមានថាមពល ៧០កាឡូរី ជាតិខ្លាញ់ត្រឹមតែ ០១ក្រាម ប៉ុន្តែផ្តល់ជាប្រូតេអ៊ីនដល់ទៅ ១១ក្រាម។
អ្នកគួរជ្រើសរើសសាច់ដែលមិនដាក់អំបិលច្រើពេក ឬ គួរធ្វើសាច់គោប្រឡាក់គ្រឿងដោយខ្លួនឯង។
២. ស៊ុតស៖ ផ្តល់ថាមពលត្រឹម ១៥កាឡូរី គ្មានជាតិខ្លាញ់ និងកូឡេស្តូរ៉ល
ផ្តល់ជាតិប្រូតេអ៊ីន ៤ក្រាម។ ចម្អិនស៊ុតស ដោយមិនប្រើប្រេងឆា ចំនួន ២ ទៅ
៣គ្រាប់ បន្ថែមម្រេច និងខ្ទឹមបារាំង និងបានជាអាហារសុខភាព ព្រមទាំងជួយច្រើនសម្រាប់អ្នកចង់ឡើងទម្ងន់។
៣. ហ្វ្រូម៉ា ធ្វើដោយខ្លួនឯង និងផ្លែឈើ៖ ទទួលទានហ្វ្រូម៉ា ធ្វើឲ្យខ្លួនឯង និងបានជាតិប្រូតេអ៊ីន ១៦ក្រាម ថាមពល ១០២កាឡូរី និងជាតខ្លាញ់ ០២ក្រាម ឬបន្ថែមផ្លែឈើ ក្នុងពេលទទួលទានផង នឹងក្លាយជាអាហារសម្រន់ ដើម្បីសុខភាពយ៉ាងល្អ ហើយយកវាទទួលទានជាអាហារមួយចំអែត នោះគីឡូក៏នឹងឆាប់ឡើងផងដែរ។
៤. ត្រីធូណា៖ ជាអាហារសម្បូរដោយជាតិប្រូតេអ៊ីន ដែលមានប្រមាណ ២៥ក្រាម ក្នុងមួយកំប៉ុង និងផ្តល់ថាមពលចំនួន ១១១កាឡូរី ដោយគ្មានជាតិខ្លាញ់។
ប៉ុន្តែមិនគួរបន្ថែមទឹកម៉ាយ៉ង់ណេស ចូលទៅជាមួយនោះទេ។
៥. ទឹកក្រឡុកប្រូតេអ៊ីន៖ អ្នកអាចធ្វើទឹកក្រឡុកប្រូតេអ៊ីនដោយខ្លួនឯងបានងាយៗ គឺយកទឹកសណ្តែក ០២ពែង ស៊ុតស ០៣គ្រាប់ ចេក ០១ផ្លែ ប៊័រសណ្តែក ០១ស្លាបព្រាបាយ អង្ករអាវ័ន ១/៣ ពែង ក្រឡុកចូលគ្នា នឹងបានទឹកក្រឡុកប្រូតេអ៊ីន ដែលសម្បូរដោយជីវជាតិអាហារ។
៦. ស៊ុបធញ្ញជាតិ៖ ដូចជាស៊ុបសណ្តែក ឬគ្រាប់ធញ្ញជាតិផ្សេងៗ ស៊ុបធញ្ញជាតិ ០១ ពែងផ្តល់ថាមពល ២៣០កាឡូរី ជាតិខ្លាញ់ ០១ក្រាម និង ជាតិប្រូតេអ៊ីន ១៨ក្រាម។
ចូរប្រយ័ត្ន៖ ទោះបីជាអាហារខាងលើនេះ មានប្រសិទ្ធភាពក្នុងការបង្កើនគីឡូ និងជំនួយសុខភាពអ្នកខ្លាំងក៏ដោយ ក៏ការទទួលទានរាល់ថ្ងៃ ត្រូវតែមានបរិមាណកំណត់ផងដែរ ហើយលោកអ្នក គួរធ្វើការហាត់ប្រាណជាប្រចាំ ឲ្យបានយ៉ាងតិច ៣០នាទី ដើម្បីសម្រួលកូឡេស្តូរ៉លដែលលើស ចេញពីរាងកាយ និងធ្វើឲ្យរាងកាយមានភាពស្វាហាប់ក្នុងការបំពេញកិច្ចការងារប្រចាំថ្ងៃ៕
