តំណាងអង្គការសង្គមស៊ីវិល៖ ឱសថ និងវ៉ាក់សាំងប្រឆាំងកូវីដ១៩ មិនមែនជាទំនិញទំនើបទេ ប៉ុន្តែវាជាតម្រូវការសម្រាប់សង្គ្រោះជីវិត

0 848

ភ្នំពេញ៖ លោក ទឹម វរ៉ា តំណាងអង្គការសង្គមស៊ីវិល បានថ្លែងថា ឱសថ និងវ៉ាក់សាំងប្រឆាំងនឹងមេរោគកូវីដ១៩ មិនមែនជាទំនិញទំនើបទេ ប៉ុន្តែវាជាផ្នែកមួយនៃតម្រូវការមូលដ្ឋាន។ ទាំងនេះគឺជាទំនិញសីលធម៌ ដែលត្រូវការសម្រាប់ការរស់រានមានជីវិត។ អ្នកធ្វើគោលនយោបាយ ត្រូវតែមានភាពក្លាហានគ្រប់គ្រាន់ ក្នុងការដកហូតប៉ាតង់ ឬចេញអាជ្ញាប័ណ្ណ ជាកាតព្វកិច្ចសម្រាប់ការផលិតវ៉ាក់សាំង និងថ្នាំសម្រាប់ជួយជីវិតប្រជាជនទូទាំងពិភពលោក។

លោក ទឹម វរ៉ា បានលើកឡើងដូចនេះនាព្រឹកថ្ងៃទី៣០ ខែមិថុនា ឆ្នាំ២០២១នេះ ក្នុងឱកាសអញ្ជើញជាវាគ្មិនក្នុងសន្និសីទសារព័ត៌មានតាមរយៈ Zoom ដើម្បីទាមទារ ឲ្យមានការបង្កើនកិច្ចសហប្រតិបត្តិការជាអន្តរជាតិ បង្កើនការផលិតវ៉ាក់សាំងឱ្យបានច្រើនទូទាំងពិភពលោក ដើម្បីប្រយុទ្ធប្រឆាំងនឹងជំងឺកូវីដ-១៩ ដោយសន្និសីទនេះ ដែររៀបចំឡើង ដោយលោកវេជ្ជបណ្ឌិត ឈឹម សារ៉ាត់ នាយកការិយាល័យប្រចាំតំបន់អាស៊ី នៃអង្គការមូលនិធិថែទាំសុខភាពអ្នកជំងឺអេដស៍ (AHF) និងមានការចូលរួមពីវាគ្មិន រួមនិងអ្នកសារព័ត៌មានជាច្រើនរូប។

លោក ទឹម វរ៉ា បានបន្ថែមថា ប្រព័ន្ធប៉ាតង់មិនត្រូវប្រើជាមធ្យោបាយ​នៃការទទួលបានវ៉ាក់សាំង និងថ្នាំដែលមានតំលៃសមរម្យនោះទេ។ អ្នកធ្វើគោលនយោបាយ ត្រូវតែដឹងអំពីរឿងនេះ និងពិនិត្យឡើងវិញនូវច្បាប់ និងបទប្បញ្ញត្តិពាក់ព័ន្ធទាំងអស់។ ប្រសិនបើពួកគេបង្កឧបសគ្គសម្រាប់ការចូលពួកគេ ត្រូវតែធ្វើការកែប្រែយ៉ាងឆាប់រហ័ស។ សហគមន៍ពិភពលោកត្រូវយកចិត្តទុកដាក់ លើប្រព័ន្ធគ្រប់គ្រងកម្មសិទ្ធិបញ្ញា ហើយមិនអនុញ្ញាតឱ្យវាធ្វើឱ្យប៉ះពាល់ដល់សុខភាពប្រជាជន។

កញ្ញា វី ឌីណែត បានលើកឡើងដែរថា សូមអំពាវនាវឱ្យសាធារណជន មានការប្រុងប្រយ័ត្ន ចំពោះគ្រោះថ្នាក់ដែល COVID-19 អាចនាំមកនិងរស់នៅក្នុងជីវិតរបស់ពួកគេ ដោយយកចិត្តទុកដាក់។ នេះគឺជាការវិភាគដ៏មានឥទ្ធិពលពីរអំពីមូលហេតុ ដែលវាចាំបាច់ក្នុងការបង្កើនការផលិតវ៉ាក់សាំង COVID-19 ដែលប៉ះពាល់ដល់ការទទួលបានឲ្យបានគ្រប់គ្នា ដើម្បីការពារពិភពលោកទាំងមូល មានសុវត្តិភាពទាំងអស់គ្នា។

កញ្ញា វី ឌីណែត ក៏សូមអំពាវនាវប្រទេសទូទាំងសកលលោក ជួយដល់ផ្តល់វ៉ាក់សាំងឱ្យបានគ្រប់គ្នាទូទាំងសកល ដែលជាវិធីតែមួយគត់ ដើម្បីបញ្ឈប់ជំងឺរាតត្បាតនេះ។ ប្រទេសអ្នកមានត្រូវតែធ្វើអ្វីដែលត្រឹមត្រូវ និងផ្តល់ការទទួលបានផលិតវ៉ាក់សាំង COVID-19 បានគ្រប់គ្រាន់ ដើម្បីមនុស្សនៅគ្រប់ទីកន្លែង មានឱកាសទទួលបានវ៉ាក់សាំងការពារជីវិត៕

តំណាងអង្គការសង្គមស៊ីវិល៖ ឱសថ និងវ៉ាក់សាំងប្រឆាំងកូវីដ១៩ មិនមែនជាទំនិញទំនើបទេ ប៉ុន្តែវាជាតម្រូវការសម្រាប់សង្គ្រោះជីវិត
Leave A Reply

Your email address will not be published.