តើប្រទេសណាលើភពផែនដី បានឆ្លងចូលឆ្នាំ២០២៤ មុនគេ? (មានវីដេអូ)

(បរទេស)៖ ជាការពិតណាស់ល្វែងម៉ោងលើផែនដី គឺមនុស្សជាអ្នកបង្កើតឡើងប៉ុណ្ណោះ ប្រការនេះហើយទើបយើងអាចកំណត់ពេលវេលា ទៅតាមតំបន់និមួយៗបាន ព្រោះតែភពផែនដីមានរាងមូលនោះអី។ ដូច្នេះ, តើប្រទេសណាលើផែនដីនេះ ឈានជើងចូលឆ្នាំ២០២៤ មុនគេ?

យោងតាមល្វែងម៉ោងលើផែនដី កោះធំ គ្រីស្មាក់ ឬ គិរីទីមេទី (Christmas or Kiritimati) នៃប្រទេសគិរីបាទី (Kiribati) បានឆ្លងចូលឆ្នាំ២០២៤ មុនគេបាត់ទៅហើយនៅ គឺកាលពីម៉ោង ១២៖០០នាទីអធ្រាត្រឈានចូលថ្ងៃចន្ទ ទី០១ ខែមករា ឆ្នាំ២០២៤ (ម៉ោងនៅប្រទេសគិរីបាទី) ត្រូវនឹងម៉ោង ៥៖០០នាទីល្ងាចថ្ងៃអាទិត្យ ទី៣១ ខែធ្នូ ឆ្នាំ២០២៣ (ម៉ោងនៅប្រទេសកម្ពុជា)។

គួរបញ្ជាក់ថា គិរីបាទីជាប្រទេសដីកោះដែលមានប្រជាជនសរុបជាង ១៣៣,០០០នាក់ (ស្ថិតិនៅឆ្នាំ២០២៣) រស់នៅលើផ្ទៃដីសរុប ៨១១.២គីឡូម៉ែត្រក្រលា (ស្មើនឹងកោះសរុបចំនួន ៣៣ បូកបញ្ចូលគ្នា)។ ប្រទេសស្ថិតនៅតំបន់ភាគកណ្តាលមហាសាគរប៉ាស៊ីហ្វិក (central pacific region) មួយនេះបានក្លាយជាសមាជិក អង្គការសហប្រជាជាតិ (UN) កាលពីឆ្នាំ១៩៩៩៕

ប្រែសម្រួល៖ Cambo Space (ឥន្ទ វុត្ថា)
ប្រភព៖ Sky News