កុំចឹងអី! អង្គការ NASA អាចនឹងរងទុក្ខខ្លាំង ក្រោមរដ្ឋបាលដឹកនាំរបស់ប្រធានាធិបតីអាមេរិកថ្មី!
(វ៉ាស៊ីនតោន)៖ សារអ៊ីម៉ែលដែលបានមកពីសមាជិកនៃក្រុមការងារថ្មីរបស់ទីភ្នាក់ងារអវកាស ណាសា (NASA) បានដាក់សំណើឲ្យមានការប្រកួតប្រជែងផ្ទៃក្នុងមួយ រវាងកម្មវិធីបច្ចុប្បន្នរបស់ NASA និងកម្មវិធីពាណិជ្ជកម្មថ្មី ដើម្បីថ្លឹងថ្លែងថាមួយណាជាមធ្យោបាយដ៏ល្អជាងគេបំផុត ក្នុងការនាំយកមនុស្សលោកទៅកាន់គន្លងគោចររបស់ព្រះច័ន្ទ នៅឆ្នាំ២០២០ខាងមុខ។ នេះបើតាមការចេញផ្សាយដោយគេហទំព័រ Space News នៅមុននេះបន្តិចនាព្រឹកថ្ងៃអង្គារ ទី០៧ ខែកុម្ភៈ ឆ្នាំ២០១៧។
គួរបញ្ជាក់ថាទង្វើខាងលើអាចបង្កជាការគំរាមកំហែងយ៉ាងខ្លាំងដល់កម្មវិធី ដែលកំពុងមានវត្តមាននាពេលបច្ចុប្បន្នរបស់ទីភ្នាក់ងារអវកាស NASA មួយចំនួនរួមមាន Space Launch System និង Orion ដ៏សំខាន់ជាដើម ដែលបណ្តាសមាជិកដឹកនាំនៃសភាជាតិអាមេរិក ធ្លាប់បាននិយាយអះអាងថាពួកគេ នឹងធ្វើយ៉ាងការពារឲ្យបានពីការផ្លាស់ប្តូរនានា ដែលរដ្ឋាភិបាលទីក្រុងវ៉ាស៊ីនតោនថ្មីអាចនឹងដាក់ចេញ។
នរណាក៏ដឹងដែរថា រដ្ឋបាលរបស់លោក ដូណាល់ ត្រាំ គឺយកការសន្សំសំចៃជាគោល ដោយក្នុងនោះសូម្បីតែយន្តហោះផ្ទាល់ខ្លួន រថយន្ត ឬគំរោងផ្សេងៗទៀតរបស់ជាតិ ក៏ត្រូវតែមានការគិតគូរខ្លាំង និងមានការកាត់បន្ថយការចំណាយមិនចាំបាច់ចោលអស់ផងដែរ។ ប្រការទាំងនេះទំនងជានឹងបង្កផលប៉ះពាល់ខ្លាំងដល់គំរោងធំៗរបស់ NASA ដែលតែងតែចាយលុយរាប់រយរាប់ពាន់លានដុល្លារនោះ៕
