Wow! មេ Facebook ចង់បញ្ជូនយានទៅប្រព័ន្ធផ្កាយ «អាល់ហ្វា សេនថារី»! ហេតុអ្វីក៏ផ្កាយនោះពិសេសម្ល៉េះ?
(វិទ្យាសាស្រ្ត)៖ ការពីពេលថ្មីៗនេះក្រុមអ្នកវិទ្យាសាស្រ្តបានសង្កេតឃើញថា ប្រព័ន្ធផ្កាយដ៏អាថ៌កំបាំងដែលត្រូវបានស្គាល់ថា អាល់ហ្វា សេនថារី (Alpha Centauri) ជាអ្នកជិតខាងរបស់ប្រព័ន្ធអាទិត្យយើងនោះ (ចម្ងាយ ៤.៣ឆ្នាំពន្លឺពីផែនដី) បាននឹងកំពុងបង្ហាញនូវសក្តានុពលដ៏អស្ចារ្យនៅក្នុងការសិក្សាស្រាវជ្រាវផ្នែកវិទ្យាសាស្រ្ត។ នេះបើយោងតាមប្រភពព័ត៌មានវិទ្យាសាស្រ្ត Space.Com ចេញផ្សាយនៅថ្ងៃព្រហស្បតិ៍ ទី០៨ ខែកុម្ភៈ ឆ្នាំ២០១៧។
ទោះបីជាក្រុមអ្នកស្រាវជ្រាវផ្នែកលំហអាកាស តែងតែបានផ្តោតការយកចិត្តទុកដាក់ទៅលើប្រព័ន្ធព្រះអាទិត្យរបស់យើងយ៉ាងណាក្តី ប្រព័ន្ធផ្កាយ Alpha Centauri បានក្លាយជាជម្រើសដ៏សាកសម និងអាចសម្រេចទៅបានមួយក្នុងការសិក្សាស្វែងបន្ថែមយ៉ាងលម្អិត ហើយថ្ងៃណាមួយនាពេលអនាគត នឹងអាចធ្វើដំណើរទៅកាន់ទីនោះថែមទៀតផង។ ប្រព័ន្ធនានានៅក្នុងលំហអាកាស ហើយប្រព័ន្ធផ្កាយនេះ នឹងអាចត្រូវបានក្រុមអ្នកវិទ្យាសាស្រ្តធ្វើដំណើរទៅដល់ នៅថ្ងៃណាមួយនាថ្ងៃអនាគត។
ប្រព័ន្ធផ្កាយដែលកៀកនឹងប្រព័ន្ធព្រះអាទិត្យរបស់យើងជាងគេនោះ ទទួលបានចំណាប់យ៉ាងច្រើនសន្ធឹបសន្ធាប់នាពេលថ្មីៗនេះ ដោយសារតែការប្រកាសអំពីបេសកកម្ម Breakthrough Starshot ដែលជាបេសកកម្មដ៏អស្ចារ្យមួយគាំទ្រដោយអ្នកវិទ្យាសាស្រ្តដ៏ល្បីល្បាញជនជាតិអង់គ្លេស លោក Stephen Hawking អ្នកវិនិយោគទុនជនជាតិរុស្ស៊ីលោក Yuri Milner និងស្ថានិកក៏ដូចជានាយកប្រតិបត្តិក្រុមហ៊ុន Facebook គឺមហាសេដ្ឋីវ័យក្មេងលោក Mark Zuckerberg ជាមួយនិងគោលដៅក្នុងការបញ្ជូនយានអវកាសទៅកាន់ប្រព័ន្ធផ្កាយ Alpha Centauri នៅថ្ងៃណាមួយនាពេលអនាគត។
យ៉ាងណាមិញប្រព័ន្ធផ្កាយខាងលើនៅតែមានចម្ងាយរហូតដល់ទៅ ៤.៣៧ឆ្នាំពន្លឺ (ស្មើ ៤០ពាន់ពាន់លានគីឡូម៉ែត្រ) ពីភពផែនដីដដែលនោះទេ ហើយដោយសារតែចម្ងាយដ៏សែនឆ្ងាយរបស់វា ការធ្វើដំណើរទៅដល់ និងការសិក្សាស្រាវជ្រាវអំពី Alpha Centauri អាចបង្កបញ្ហាលំបាកខ្លាំងជាច្រើន។ ប៉ុន្តែការដែលវាត្រូវបានបែងចែកជា០៣ប្រព័ន្ធធំៗ ក្នុងនោះរួមមានប្រព័ន្ធផ្កាយ Alpha Centauri A, ប្រព័ន្ធផ្កាយ Alpha Centauri B និង ប្រព័ន្ធផ្កាយដាច់ស្រយ៉ាលពណ៌ក្រហម Proxima Centauri ក៏អាចបង្ហាញពីឱកាសដ៏ធំមហិមាសម្រាប់ការលើកស្ទួយការស្រាវជ្រាវផ្នែកអវកាសបន្ថែមអំពីអាថ៌កំបាំងរបស់ចក្រវាឡដ៏ធំល្វឹងល្វើយនោះផងដែរ ខណៈមិនទាន់មានការបញ្ជាក់ថា ប្រព័ន្ធផ្កាយនោះអាចភពឬទេវិលជុំវិញវា៕
