តារាវិទូជើងចាស់ «ចាប់បានរូបភាពដុំអាចម៍ផ្កាយ បុកទង្គិចភពព្រហស្បតិ៍» បង្កើតចេញជាបាល់ភ្លើងដ៏ធំ!
(អវកាស)៖ អវកាសយានិកជើងចាស់ម្នាក់នៅរដ្ឋ Wisconsin តំបន់អាមេរិកកណ្តាលបាននិយាយថា លោកបានសង្កេតអំពីដំណើរ នៃវត្ថុប៉ះទង្គិចដ៏ជាក់ស្តែងមួយ នៅលើភពព្រហស្បតិ៍កាលពីថ្ងៃចន្ទដើមសប្តាហ៍នេះ ដែលវាបានបង្កើតជាបាល់ភ្លើងដ៏ធំ និងមានពន្លឺភ្លឺចែងចាំងនៅលើភពនេះ។
យោងទៅតាមសេចក្តីរាយការណ៍របស់ គេហទំព័រ Spaceweather បានឲ្យដឹងថា លោក Dan Peterson បានកំពុងតែធ្វើការសង្កេតទៅលើភពដ៏ធំជាងគេបំផុតនៅ ក្នុងប្រព័ន្ធព្រះអាទិត្យរបស់ពួកយើង ជាមួយនឹងកែវយឺតប្រវែង ១២អ៊ីងរបស់គាត់ នៅពេលដែលព្រឹត្តិការណ៍នៃបាល់ភ្លើងដ៏ធំនោះបានកើតឡើង នៅពេលដែលដុំថ្មអវកាសបានធ្វើការឆ្លងកាត់លំហអាកាស របស់ភពយក្សនេះនៅពេលយប់ រួចទង្គិចជាមួយបរិយាកាស និងដែនម៉ាញេទិចដ៏ខ្លាំង បង្កជាដុំភ្លើងមូលធំដូចបាល់ភ្លើងតែម្តង។
ទោះបីជាយ៉ាងក្តី ពួកយើងមិនដឹងច្បាស់ទេថា ដំណើរវត្ថុទង្គិចគ្នានេះ គឺជាដុំថ្មអវកាស (អាស្ទេរ៉ូអ៊ីត) ឬជាផ្កាយដុះកន្ទុយ ដែលវាមានលក្ខណៈដូចនឹងផ្កាយដុះកន្ទុយឈ្មោះ Shoemaker-Levy 9 comet ដែលវាបានបំបែកខ្លួនឲ្យទៅជាបំណែកតូចៗ ២១បំណែក ស្រោចលើភពឧស្ម័នយក្សនេះនៅក្នុងឆ្នាំ១៩៩៤ នោះឡើយ។
លោក Peterson បានសសេរនៅក្នុងប្រព័ន្ធអ៊ីនធើណេតថា «ការទស្សនាដ៏ល្អបំផុតរបស់ខ្ញុំគឺ វាគ្រាន់តែជាផ្កាយដុះកន្ទុយដ៏តូចមួយ នៅក្នុងប្រវត្តិសាស្រ្តតែប៉ុណ្ណោះ»។ តាមការគណនា ដុំបាល់ភ្លើងនោះ មានរង្វង់ពន្លឺស្ទើរប៉ុនភពផែនដី។ វារឿងធម្មតាទេ ប្រសិនបើអាចម៍ផ្កាយ ឬដុំថ្មអវកាសណា ហោះទៅជិតភពព្រហស្បតិ៍ដែលមានដែនម៉ាញេទិចដ៏ខ្លាំងមហិមានោះ វានឹងផ្ទុះបែកចេញជាបំណែកតែម្តង៕
